Áhugaverð námskeið í boði!

Námskeið ætlað kennurum sem vilja skipuleggja kennsluna sína í námslotum. Þar er haldið utan um allt sem viðkemur kennslunni eins og t.d. viðmið, námsefni og verkefni sem leggja á fyrir á ákveðnu tímabili. Að lokinni námslotu liggur fyrir námsmat sem nýtist inn í heildarmatið.

Á þessu námskeiði er farið yfir hvernig skólinn getur sett inn sín eigin viðmið og farið að vinna eftir þeim í hverri námsgrein fyrir sig. Hentugast er að ákveðnir aðilar innan skólans taki verkið að sér til að vanda uppsetninguna og tryggja samræmi. 

Námskeið fyrir kerfisstjóra eða ritara þar sem farið er yfir allar þær skráningar og stillingar í Mentor sem eru í höndum skólans. Þar má t.d. nefna uppfærsla á nýju skólaári, skráning nýrra nemenda og stundatöflugerð. 

Sérkennarar þurfa að geta sett inn eigin viðmið þar sem tekið er mið af þörfum nemenda. Á þessu námskeiði verður farið yfir hvernig viðmiðin eru sett inn og unnið með þau í námslotum fyrir hvern og einn nemanda.